ელიზბარ ერისთავის სახელობის
ენერგეტიკის სასწავლო ცენტრში დაიწყო ახალი ტრენინგკურსი „მომხმარებელთა უფლებების დაცვა ენერგეტიკისა და წყალმომარაგების სექტორებში“
პირველი ტრენინგი თემაზე: „მომხმარებელთა უფლებების მარეგულირებელი ნორმები“ ჩაატარა სემეკის მომხმარბელთა საჩივრების დეპარტამენტის დირექტორის პირველმა მოადგილემ, გიორგი დიდებაშვილმა.
კურსის მონაწილეები სიღრმისეულად გაეცნენ სემეკის მიერ მომხმარებელთა საჩივრების განხილვის პროცედურებს, ტექნიკური შემოწმებისა და ახალი მომხმარებლის მიერთების პირობებს. ტრენინგზე განხილულ იქნა რამოდენიმე საინტერესო ადმინისტრაციული სამართალდარღვევის ქეისი.
აღნიშნული კურსის მოდული ენერგეტიკისა და წყალმომარაგების სექტორებში მომხმარებელთა უფლებების დაცვის მიმართულებით მომუშავე, მრავალწლიანი გამოცდილების მქონე პროფესიონალების გუნდმა შეიმუშავა.
სასწავლო კურსი განკუთვნილია იურისტებისთვის, მომხმარებელთა უფლებების დაცვის საკითხებით დაინტერესებული პირებისთვის, რეგულირებადი კომპანიებისა და თვითმმართველი ორგანოების წარმომადგენლებისთვის.
