ენერგეტიკის სასწავლო ცენტრი აცხადებს რეგისტრაციას ახალ ტრენინგ-კურსზე „ელექტროსადგურების ოპერირების საფუძვლები“

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) მიერ დაფუძნებული ენერგეტიკის სასწავლო ცენტრი აცხადებს ახალ ტრენინგ კურსს, ელექტროსადგურების ოპერირების საფუძვლებში, რომელიც მიზნად ისახავს ელექტროსადგურების ოპერირებისა და ქსელის ოპერატორებთან ურთიერთქმედების საბაზისო ცოდნისა  და თანამედროვე ტექნოლოგიების გაცნობას.  

ვისთვის არის კურსი განკუთვნილი?

კურსი განკუთვნილია:

• დამწყები სპეციალისტებისა და ინჟინრებისთვის, რომელთაც სურთ ენერგეტიკის სექტორში მუშაობის დაწყება ან არსებული ცოდნის გაღრმავება;
• სტუდენტებისა და კურსდამთავრებულთათვის, რომლებიც გეგმავენ პროფესიულ საქმიანობას ჰიდრო, თბო, ქარისა და მზის ელექტროსადგურებზე;
• ენერგოობიექტების პერსონალისთვის, რომელთა ინტერესების სფეროს წარმოადგენს ტექნოლოგიების, ავტომატიზაციისა და დისპეტჩერიზაციის სისტემების სიღრმისეულად შესწავლა;
• ელექტროენერგეტიკის სექტორით დაინტერესებული ყველა პირისთვის.

რას მიიღებენ მონაწილეები?

კურსის დასრულების შემდეგ მონაწილეები:

• შეიძენენ საფუძვლიან ცოდნას ელექტროსადგურების ოპერირების ტექნიკურ, ეკონომიკურ და უსაფრთხოების მართვის საკითხებზე;
• გაეცნობიან თანამედროვე ტექნოლოგიებს, ავტომატიზაციისა და ციფრული მართვის სისტემებს, რომლებიც აუცილებელია ენერგოობიექტების ეფექტური მუშაობისთვის;
• შეისწავლიან ქსელის ოპერატორებთან ურთიერთქმედების სამართლებრივ და პრაქტიკულ მექანიზმებს;
• შეიძენენ საფუძვლიან ცოდნას ელექტროენერგეტიკის რეგულირების საკანონმდებლო, ეკონომიკურ და ტექნიკურ საკითხებზე;
• კურსის დასრულების შემდეგ, მონაწილეებს გადაეცემათ სერტიფიკატები.

რეგისტრაციის ბოლო ვადა:  20 ოქტომბერი

ტრენინგ-კურსის დასაწყისი:  22 ოქტომბერი

ტრენინგ-კურსის ღირებულება ერთ მონაწილეზე:  900  ლარი

რეგისტრაციისთვის გადადით ბმულზე:

ტრენინგების რაოდენობა: 13

საათების რაოდენობა: 26  საათი

დაწყების დრო: 19:00 სთ

დღეები: სამშაბათი და ხუთშაბათი

ერთი ლექციის ხანგრძლივობა: 2 სთ

მისამართი: ა. მიცკევიჩის ქ. N27ბ

საკონტაქტო ინფორმაცია: +995 577310083

რეგისტრაციისთვის გადადით ბმულზე: რეგისტრაცია 

მონაწილეთა საყურადღებოდ!

• მონაწილის დასწრების მაჩვენებელი არ უნდა იყოს ტრენინგების ჯამური რაოდენობის 90%-ზე ნაკლები, წინააღმდეგ შემთხვევაში მასზე სერთიფიკატი არ გაიცემა;
• ტრენინგში მონაწილე ვალდებულია სრულად დაესწროს კონკრეტულ ტრენინგს. ზედიზედ 3-ჯერ ტრენინგის მსვლელობისას, ტრენინგის დატოვების შემთხვევაში მასზე სერთიფიკატი არ გაიცემა; 
• მონაწილე ვალდებულია არ დააგვიანოს ტრენინგზე. მაქსიმალური დაგვიანების დროდ დასაშვებია 10 წუთი;
• მონაწილე ვალდებულია დაიცვას ეთიკის ნორმები;
• მონაწილე ვალდებულია გადაუდებელი აუცილებლობის შემთხვევაში კონკრეტულ ტრენინგზე დაუსწრებლობის მიზეზი ტრენინგის დაწყებამდე არაუგვიანეს 1 საათისა შეატყობინოს ორგანიზატორს ელექტრონული ფორმით ან სატელეფონო ზარით.

სასწავლო კურსი განკუთვნილია ელექტროენერგეტიკის სექტორში დასაქმებული სპეციალისტებისთვის,  უმაღლესი სასწავლებლის სტუდენტებისთვის, მკვლევრებისთვის და ყველა იმ დაინტერესებული პირისთვის, რომელთა პროფესიული ინტერესები მოიცავს ელექტროენერგეტიკის სექტორის რეგულირების საკანონმდებლო/სამართლებრივ,  ეკონომიკურ და ტექნიკურ ასპექტებს.

კურსი მიზნად ისახავს ცოდნის გაღრმავებას ელექტროენერგეტიკის რეგულირების  მექანიზმების სხვადასხვა  თეორიულ და პრაქტიკულ  საკითხებში. კურსის ფარგლებში დაგეგმილია გასვლითი ღონისძიებები