ელიზბარ ერისთავის სახელობის
ენერგეტიკის სასწვლო ცენტრის საზაფხულო სკოლა მცხეთის მუნიციპალიტეტის სკოლის მოსწავლეებს მასპინძლობს
სემეკთან არსებული ენერგეტიკის სასწავლო ცენტრის პროექტის „ელექტროენერგეტიკის გზა დაბადებიდან ჩვენამდე“ ფარგლებში, სემეკის წარმომადგენლების მიერ ტრენინგები უტარდებათ ქალაქ მცხეთის, სოფელ მუხრანის, ახალდაბისა და წეროვანის საჯარო სკოლის მოსწავლეებს, რომლებმაც მონაწილეობა მიიღეს და გაიმარჯვეს ამავე პროექტის ფარგლებში ენერგეტიკის სასწავლო ცენტრის მიერ ჩატარებულ გამოფენა-კონკურსში.
საზაფხულო სკოლის მონაწილეები ეცნობიან ელექტროენერგეტიკის საკითხებს, განახლებადი ენერგიებისა და ელექტროენერგეტიკული სისტემის მუშაობის პრინციპებს.
ენერგეტიკის სასწავლო ცენტრის ორგანიზებით საზაფხულო სკოლის მონაწილეებმა დაათვალიერეს სს „ეპ ჯორჯია გენერაციის“ საკუთრებაში არსებული ჰიდროელექტროსადგური „ზაჰესი“, ადგილზე გაეცნენ გენერატორებისა და მართვის ფარის მუშაობის პროცესს.
მოსწავლეები გაეცნენ საქართველოს სახელმწიფო ელექტროსისტემის ცენტრალური სადისპეტჩეროს მუშაობის პრინციპს. ენერგეტიკის სასწავლო ცენტრის მოსწავლეებს სახელმწიფო ელექტროსისტემის წარმომადგენელმა პრეზენტაცია წარუდგინა სსე-ს ფუნქციებისა და საქმიანობის შესახებ, ასევე, გადასცა ბრენდირებული საჩუქრები.
