საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) მიერ დაფუძნებული ენერგეტიკის სასწავლო ცენტრი აცხადებს ახალ ტრენინგ-კურსს „სატარიფო რეგულირების პრინციპები და პრაქტიკა“.

კურსი მიზნად ისახავს სატარიფო რეგულირების ძირითადი და მნიშვნელოვანი პრინციპების შესახებ თეორიული და პრაქტიკული ცოდნის გაზიარებას.

ტრენინგ-კურსზე განხილული იქნება სემეკის მიერ რეგულირებას დაქვემდებარებული ყველა სექტორის  (ელექტროენერგეტიკა, ბუნებრივი გაზი, წყალმომარაგება, მელიორაცია) საჯაროობისა და გამჭვირვალობის მაღალ სტანდარტებზე დაფუძნებნული სატარიფო რეგულირების საკითხები:

• სემეკის უფლებამოსილებები და ვალდებულებები
• ტარიფის კორექტირების პერიოდულობა/პრინციპები
• ყველაზე მოცულობითი და სენსიტიური სატარიფო დანახარჯების (სახელფასო ფონდი, საინვესტიციო გეგმა) განსაზღვრის კრიტერიუმები
• სატარიფო საქმისწარმოებისა და მარეგულირებელი აუდიტის პროცედურული მხარე და სხვა.

კურსი მოიცავს როგორც თეორიულ მასალას, ასევე პრაქტიკულ მაგალითებს, რომლებიც ხაზს უსვამს სემეკის მიერ სამართლიანი მიდგომებისა და პრინციპების გამოყენებას, როგორც მომხმარებელთა ასევე, რეგულირებულ საწარმოთა ინტერესების დაცვის კონტექსტში.

ვისთვის არის კურსი განკუთვნილი?

კურსი განკუთვნილია:

• კომისიის რეგულირებას დაქვემდებარებულ სექტორებსა (ელექტროენერგეტიკა, ბუნებრივი გაზი, წყალმომარაგება, მელიორაცია) და რეგულირებად საწარმოებში დასაქმებული სპეციალისტებისთვის;
• იმ პირებისთვის, რომლებიც მუშაობენ ენერგეტიკის, ეკონომიკის, სამართლის, საჯარო მმართველობისა და სხვა სფეროებში;
• სტუდენტებისთვის, მკვლევარებისთვის, დაინტერესებული პირებისთვის, რომელთაც სურთ ცნობიერების ამაღლება სატარიფო რეგულირების საკითხებში.

რას მიიღებენ მონაწილეები?

კურსის დასრულების შემდეგ მონაწილეები:

• შეიძენენ საფუძვლიან ცოდნას კომისიის რეგულირებას დაქვემდებარებული სექტორების სატარიფო რეგულირების, საკანონმდებლო საფუძვლებისა და რეგულირების პრინციპების შესახებ;
• გაიღრმავებენ ცოდნას სატარიფო განაკვეთების ფორმირების, ტექნიკურ-ეკონომიკური მაჩვენებლების ანალიზისა და სატარიფო საქმისწარმოების საჯაროობის/გამჭვირვალეობის საკითხებთან დაკავშირებით;
• კურსის დასრულების შემდგომ, მონაწილეებს გადაეცემათ სერტიფიკატები.

რეგისტრაციის ბოლო ვადა:  5 მარტი

ტრენინგ-კურსის დასაწყისი: 9 მარტი

ტრენინგ-კურსის ღირებულება ერთ მონაწილეზე:  600 ლარი

რეგისტრაციისთვის გადადით ბმულზე:  რეგისტრაცია

ტრენინგების რაოდენობა: 8

საათების რაოდენობა: 16  საათი

დაწყების დრო: 19:00 სთ

დღეები: ორშაბათი და ოთხშაბათი

ერთი ლექციის ხანგრძლივობა: 2 სთ

მისამართი: ა. მიცკევიჩის ქ. N27ბ

საკონტაქტო ინფორმაცია: 595 87 87 87

 
მონაწილეთა საყურადღებოდ!

• მონაწილის დასწრების მაჩვენებელი არ უნდა იყოს ტრენინგების ჯამური რაოდენობის 90%-ზე ნაკლები, წინააღმდეგ შემთხვევაში მასზე სერთიფიკატი არ გაიცემა;
• კურსის მონაწილე ვალდებულია სრულად დაესწროს კონკრეტულ ტრენინგს. ზედიზედ 3-ჯერ ტრენინგის მსვლელობისას დატოვების შემთხვევაში მასზე სერთიფიკატი არ გაიცემა; 
• მონაწილე ვალდებულია არ დააგვიანოს ტრენინგზე. მაქსიმალური დაგვიანების დროდ დასაშვებია 10 წუთი;
• მონაწილე ვალდებულია დაიცვას ეთიკის ნორმები;
• მონაწილე ვალდებულია გადაუდებელი აუცილებლობის შემთხვევაში კონკრეტულ ტრენინგზე დაუსწრებლობის მიზეზი ტრენინგის დაწყებამდე არაუგვიანეს 1 საათისა შეატყობინოს ელექტრონული ფორმით ან სატელეფონო ზარით ტრენინგის ორგანიზატორს